STARI ALBUN - Stranica 5
Bepo: A meni je priča moj prijatej Duje da iz tega Doma već višje o' 15 godin judi pomažedu stare ća su sami po kućan: dojdu in i na bicikleti, pomažedu in na sve načine, njeguju i', donesu in obid… 
Dostava toplog obroka Krišpin: - Ovde na Lovretu pari ka da nikor nije sam. Svako malo ništo bude, pričadu nan, nikor dolazi, i oni od vlasti ća pineze daju: oni iz Županije, iz Grada, dojde in i sv. Nikola, feštaje se, zapiva, slavidu se rođendani... i stoti! Ne 'š virovat! 
Lucija Ortolio, najstarija korisnica Doma, 2011. Pjevaju: Splet dalmatinskih pjesama
Srdelice A ima tu još dobrega svita ća ne radi u Domu, dojdu in u vižite, molidu Boga skupa, gredu vidit i poslušat one koji nimaju nikoga, slušaju i', razgovaradu s njiman i tako in daju dil svoga vrimena i jubavi. 
Volonteri u Domu Lovret Mare: E, moj Bože, kako je to lipo ćut u današnje vrime da ima oni ća oće dobro činit mukte. Nek se zna da se starijega triba poštivat, a kad onemoća još i višje!
I da mu triba zapivat i zabalat kad višje ne more sam. Jakov Gotovac: Završno kolo iz „Ero s onoga svijeta“
KUD Jedinstvo Pripovjedač: - I tako su Bepo i Mare poćirili u Dom vidit ća se sve more nać i susrest u toj našoj lipoj 50. godišnjon slavjenici. Ko bi ispripovidija ća je sve u tin godinan bilo i pasalo, ma naši Bepo i Mare znadu kako je barenko danas, prin nego oni dojdu na red. Bepo: - Ondac, Mare moja, jesmo li sad sve vidili? ća ti se čini, oće li bit ovod i za nas jedna kamara, pa da nas ujutro tice budidu…
ća si umukla, ća oćeš reć svojen Bepu? Mare: - Znaš ća ću ti reć, bit će ovo bomba za našega Tonća i cilu fameju i triba se dobro pripravit. Ni lako! Ma ja bi isto otila, kad se vratimo, da nastavimo najprin, prigledavat naš lipi, stari albun, jerbo ja bi i njega vazela s nan. Neka ga blizu. I na zanju stranicu bi još otila da nan naš Tonći doda litrat o' kuće i šoto nota: U vičnoj jubavi,
Bepo i njegova Mare
prin vengo su ulizli u dom,
zaklopili su svoj veli, stari albun
puntamenta s vrimenon.
(Bepo zagrli Maru, bez riči. Kraj)
U Splitu, rujan 2011. – o 50. obljetnici Doma Lovret O 50. obljetnici Doma Lovret, 3. studenog 2011. godine u Velikoj dvorani nadbiskupskog sjemeništa praizveli studenti III. godine Umjetničke akademije u Splitu: Mara Petra Kovačić Bepo Pere Eranović Krišpin Bojan Brajčić Pripovjedač Marjan Nejašmić-Banić | 
