STARI ALBUN - Stranica 2

Bepo: - Asti sto, barenko te stare stvari nisan zaudobija. Gori je sad  Dom za stare. A znaš ća je na toj zem'ji bilo prin puno godin? 
Veli vrtal, kokošinjac, blago… cilo domaćinstvo.
Jemale su sestrice franjevke i Domaćinsku skulu, koju su in zatvorili. čuja san da zato nji i zovedu ŠKOLSKE SESTRE FRANJEVKE. A  vazeli su in puno tega, i pô samostana; na njiovoj zemji su napravili dvi zgrade i ulicu. Prin tega njiova zemja je bila do skalina.
Kažijedu da je ona smokva ća je i sad živa, ona  nalivo od prve skaline za pazarić, smokva s njiove zem'je.  

Image

Smokva iz nekadašnjeg samostanskog vrta, fotografija iz 2011. godine 

A u đardinu, omar kod samostana su napravili lipu kapelu Gospe Lurdske. Tu se svit dojde Gospi pomolit, a i zapivat. 

Image

 

Kapelica Gospe Lurdske u samostanskom vrtu iz 1939. godine  

Š. Marović: Zdravo Zvijezdo mora
                                    Nadbiskupijski mješoviti zbor uz
                                                         
Sjemenišni tamburaški orkestar                         

čujen di govoridu da je ove godine pedeseti rojendan tega doma na Lovretu, a sedamnćst godin je prošlo da ga je država vratila nazad sestrican franjevkama. 

Mare: - Ne, ne, nemoj ti meni to zvat država, vengo govori dreto sćeto: Tuđman. Tuđman je sve vratija! Neka mu je pokoj vični! 

Image 

Dr. Franjo Tuđman sa sestrama u  Glonnu, Njemačka,  1989.godine  

Image

Preuzimanje Doma Lovret 1994. godine 

Evala in, našin sestrican, bile su i ostale vridnice.  Pa neka in, ko će bo'je od nji ašištit i mazit toliki stari i betežni svit? Nikor!    

Bepo: - One su izabrale oti život, pridale sve Bogu, radidu i pivadu ka da nimadu svoji muka. 

Š. Marović: Hvaljen Isus i Marija
                                            
Zbor lovretskih sestara                       

Mare: - Asti  sto,  Bepo, kolike smo mi poznavali ća su išli u oti dom na Lovret, kad su pali, kad višje nisu mogli živit sami. 

Bepo: Ni mi drago puno besidit o temu, ma isto bi tribalo malo, onako ka izdajega povirit, ća je to, kako se tu živi, je li se svit kara, čakulaje, jesu li osamjeni, je li in ko dojde, kako 'in je.



< Stari albun - Stranica 1 > Stari albun - Stranica 3