STARI ALBUN - Stranica 3 Mare: - ća si, Bepo, otija reć? Nastavi, čuješ li me... Pripovjedač: - Ma Bepo je umuka ... pa ka da se pita zašto judi moradu ostavit svoju kuću, je li uvik bilo tako, di su njiova dica, ća je ovo, di gre ovi život...?
Zarad čega stari i mladi ne moredu višje skupa, ća se to prominilo u nan?
Bog zna ća se sve Bepu miša po glavi... Mare: - To ti, Bepo ka da sutra partijemo u dom, a ja donila naš veli stari albun.
ća misliš s ovon partencon, ol' si se pridomislija? Bepo: - Mare moja, pa da i partijemo u dom, triba se pripravit. Znan da ne partijemo u Amerike. To je tote, omar u Splitu, majko moja!
Ajde kažiji, ća ću ja, ako ti padneš, ne daj Bože, oli se razboliš? ća bi naš Tonći s nan? Ol' bi presta radit, ol' bi se ovod priselija?
Ne ćemo mi ruvinat njegovu fameju. A ne, ne!
A ća bi bilo da ja padnen? ća bi s menon? Di? Mare: - Jemaš prav, moj Bepo. Pari mi se da je najvažnije da smo skupa i da nas nikor osim Onega gori ne more rastavit.
U našoj vili Riduli, oliti u dom - uvik i do zanjega skupa!
Bože moj, Bepo, lipa li je ova naša jubav! Pari mi se da je to najveći dar ća nan ga je Bog da. Ostat skupa. Bepo: - Mare, rusulice moja! Smišnice moja! Pari mi se ka da san se jopet zajubija u te. (zagrli Maru i pojubi je, pa zapiva): Marice dušo, slatki raju moj... Dora Pejačević: Zašto
Anamarija Paladin Znaš, šta Mare moja, sitija san se ća ćemo napravit. Prijatej Krišpin je svoju mater Petromilu odveja u dom nazad nikoliko vrimena i svaki dan je gre vidit. Pari mi se da je kuntenat. Pa lipo, kad bude ima pinku višje vrimena, neka dojde po nas i odvede nas da i mi povirimo oti Lovret. Mare: - Ondac, ti si Bepo ka najozbi'jnije prisudija za nas, deboto ka gotova stvar, tako to ja jeman razumit.
Pa ća ćemo o ten puno pripovidat? Zovi Krišpina, dogovori se i ajmo ća vidit dom na Lovret. Pripovjedač: - I doša je ti dan, Bepo i njegova Mare ostali su ka incukani kad su vidili di i' je Krišpin doveja. Krišpin: - Najprin ćemo prošetat i vidit samostan o dobri' sestric, lipi đardin sa šentadan i Gospinu kapelicu, bore, čemprese, viverice kako priskačedu i spušćadu se doli na vodu, cvića ka na filmu, a ondac i vrtal o' švoric, - pari ti se ka da po raju odaš. 
Sv. Franjo u samostanskom vrtu A o tican da i ne govorin. To je mužika, ma deboto pravi orkestar. 
Kristogram, 5., 6. st. u lovretskom parku Govori moja Petromila da jon je najdražje kad je ujutro probudidu tice, to su pravi gušti, oliti dičja graja kad jur drimjuć gredu u malu i velu skulu, a najskoli i oni najmanji ća i' matere vodidu u vrtić priko puta, i koji će još zaplakat prin nego i' mater pojubi i prida teti.
Svitu moj, najedanput ka da se cili život zavrtija oko moje Petromile. 
Pogled na južnu stranu Doma Lovret Pjesma i recitacija Dječjeg vrtića „Pčelica“iz Kaštel Lukšića Bepo: - Ala đardina, Mare moja!
Ma vidi svita, čuješ li priče, vidi, vidi i tu jema smija… Mare: - Svit ka i mi, a ća smo mislili? | 
